Сүхбаатар аймгийн орон нутгийн чанартай зам цасанд боогдох, хөдөлгөөний хязгаарлалт үүсэхээс сэргийлж замын цасыг цэвэрлэх ажлыг зохион байгууллаа.
Сүхбаатар аймгийн орон нутгийн чанартай зам цасанд боогдох, хөдөлгөөний хязгаарлалт үүсэхээс сэргийлж аймгийн зам арчлалтын компанийг үүрэгжүүлж ажиллахын зэрэгцээ зам хаагдсан Мөнххаан, Эрдэнэцагаан, Асгат сумдын 6 тохиолдолд аймгийн Онцгой байдлын газраас давхардсан тоогоор 90 албан хаагч, 8 автомашин, тусгай зориулалтын түрэгч машин 1, бусад багаж зэвсэглэмжтэйгээр 12 хоног ажиллан, 400 км цасанд боогдсон зам талбайг цэвэрлэж зорчих үйл ажиллагааг хэвийн болголоо.