СХД-ийн ЗДТГ-ын хэлтэс, албадын ажилтан, албан хаагч нарт газар хөдлөлтийн дадлага сургууль зохион байгууллаа.
Монгол Улсын Засгийн газрын 2011 оны 339 дүгээр тогтоолоор баталсан “Гамшгийн аюулын тухай зарлан мэдээллийн дохио дамжуулах журам”, 340 дүгээр тогтоолоор баталсан “Гамшгийн үед нүүлгэн шилжүүлэх журам”-ыг хэрэгжүүлэх ажлын хүрээнд тус дүүргийн Засаг даргын Тамгын газар, Цагдаагийн 1 дүгээр хэлтэс, Улаан загалмайн хороотой хамтран газар хөдлөлтийн аюулаас урьдчилан сэргийлэх дадлага сургуулийг зохион байгуулж ажиллалаа. Тус дадлага сургуулийн талаар TV-25 дугаар суваг телевиз, www.shd.mn вэб сайт болон хэлтсийн фэйсбүүк хуудсанд мэдээллийг байршуулж иргэд, олон нийтэд хүргэсэн.