"Аюулгүй амьдрах ухаанд суралцъя, хэвшүүлье, нөлөөлье" сэдэвт гар зураг, эссэ бичлэгийн уралдаан зохион байгуулав
Хүүхдийн бүтээлээр дамжуулан гамшгийн эрсдлийг бууруулах үйл ажиллагаанд олон нийтийн оролцоог нэмэгдүүлэх, хүүхдийн үзэл санааг шийдвэр гаргах түвшинд хүргэж, хүүхдэд чиглэсэн гамшгийн эрсдлийг бууруулахад нөлөөлөх зорилгоор Өвөрхангай аймгийн ЕБС-иудын 6-15 насны хүүхдүүдийн дунд “Аюулгүй амьдрах ухаанд суралцья, хэвшүүлье!, Нөлөөлье!”, сэдэвт гар зураг, эссэ бичлэгийн уралдааныг 2016 оны 5 дугаар сарын 09-нөөс 25-ны өдрүүдэд зохион байгуулахаар удирдамжийг 19 сумын 35 сургуульд хүргүүллээ.
Уралдааныг зохион байгуулахтай холбогдуулан ЕБС-ийн сурагчдад гамшгийн эрсдлийг бууруулахад чиглэгдсэн сэдвүүдээр 10 сургуулийн нийгмийн ажилтан 2 мянга гаруй сурагчдад сургалт зохион явуулсан байна.
Уралдааны шүүгчээр аймгийн БСГ-ын мэргэжилтэн Г.Мөнх-Эрдэнэ, ОБГ-ын дарга Онцгой байдлын дэд хурандаа Д.Бэхбаяр, Онцгой байдлын газрын сургалт сурталчилгаа урьдчилан сэргийлэх, асуудал хариуцсан мэргэжилтэн Онцгой байдлын дэслэгч С.Пүрэвсүрэн, ДЗОУБ-ын ӨВОНХХ-ийн зохицуулагч Н.Мягмар, ХГБХХ-ийн Хүүхдийн хөгжил, оролцооны асуудал хариуцсан мэргэжилтэн Н.Цэвээндулам, ХГБХХ-ийн “Этюд” зургийн дугуйлангийн багш Д.Даваамаа нар ажиллалаа.
Мэдээг түгээх: