АЮУЛТ ҮЗЭГДЭЛ, ОСЛЫН НӨХЦӨЛ БАЙДАЛ, ТҮҮНЭЭС  УРЬДЧИЛАН СЭРГИЙЛЭХ

ЧИГЛЭЛЭЭР ХИЙСЭН АЖИЛ

2016.01-р улирал

1. Аюулт үзэгдэл, ослын нөхцөл байдлын талаар:

Өвөрхангай аймгийн хэмжээнд 2016 оны 1-р улирлын  байдлаар 1 удаагийн аюулт үзэгдэл, ослын тохиолдол бүртгэгдсэн. Үүнээс обьектын гал түймэр 13 удаа, ой,  цаг агаарын гаралтай аюулт үзэгдэл 1удаа тохиолдсон.

Аюулт үзэгдэл, ослын улмаас 24 мал хорогдож, 9 гэр, орон сууц гал түймэрт өртөн шатаж, 7  гэр, сууц нурж, төрийн болон аж ахуйн нэгж байгууллага, иргэдийн өмчинд нийт 56 сая төгрөгийн хохирол учирсан.

 Онцгой байдлын албаны албан хаагчид аюулт үзэгдэл, ослоос 20  хүний амь нас 65 сая төгрөгийн өмч хөрөнгийг авран  хамгаалсан.

Гарч байгаа аюулт үзэгдэл, ослын нөхцөл байдлыг өнгөрсөн оны мөн үетэй харьцуулан үзвэл обьектын гал түймэр 3% хувь буурсан үзүүлэлттэй байна.

2. Гамшгаас урьдчилан сэргийлэх чиглэлээр:

Өвөрхангай аймгийн  Онцгой байдлын газрын  гамшгаас урьдчилан сэргийлэх тасгийн бүрэлдэхүүн аюулт үзэгдэл, ослоос урьдчилан сэргийлэх танхимын сургалт 145 удаа, дадлага сургууль 14 удаа зохион байгуулж, нийт 8413 хүнийг хамруулсан.

Үүнээс удирдах бүрэлдэхүүнд 10 удаа, аж ахуйн нэгж байгууллагад 95 удаа, оюутан сургачдад 40 удаа, ард иргэдэд 16 удаа сургалт зохион байгуулсан байна.

Аюулт үзэгдэл, ослоос урьдчилан сэргийлэх зорилгоор сум, баг, хорооны гамшгаас хамгаалах орон тооны бус штабтай хамтран гэр хорооллын айл өрхүүдэд урьдчилан сэргийлэх нэгдсэн арга хэмжээг 2 удаа зохион байгуулж, 1700 иргэдийг хамруулж, нийт 1700 айл, өрхөд аюулт үзэгдэл, осол, гал түймрийн аюулаас урьдчилан сэргийлэх санамж сэрэмжлүүлэг тарааж, ухуулга сурталчилгаа хийж ажилласан.

Гамшгаас хамгаалах 11 улсын алба, 27 мэргэжлийн анги, 19 сумын гамшгаас хамгаалах төлөвлөгөөнд тодотгол хийж, мэргэжлийн заавар, зөвлөгөө өгч ажилласан.

Аюулт үзэгдэл, ослоос урьдчилан сэргийлэх чиглэлээр орон нутгийн телевизэд 5 удаа ярилцлага өгч, ОБЕГ-ын вэб сайт болон бусад хэвлэл, мэдээллийн хэрэгсэлд 10 удаа (Газар хөдлөлтийн бэлтгэл бэлэн байдал, Өрхийн бэлэн байдлыг дээшлүүлэх нь, гамшиг ослоос урьдчидан сэргийлэх, галын аюулгүй байдал, сэдвүүдээр)  мэдээлэл байршуулсан.

2016 ОНЫ 1ДҮГЭЭР  УЛИРАЛД ГАМШГААС УРЬДЧИЛАН СЭРГИЙЛЭХ

ЧИГЛЭЛЭЭР ЗОХИОН БАЙГУУЛСАН АЖИЛ

2016.03.24.

ӨВӨРХАНГАЙ  АЙМГИЙН УРЬДЧИЛАН СЭРГИЙЛЭХ ТАСАГ