Гамшгийн аюулын тухай зарлан мэдээллийн дохиогоор ажиллах дадлага сургууль зохион байгууллаа
Монгол улсын Засгийн газрын 2011 оны 339, 340 дүгээр тогтоолоор баталсан "Гамшгийн аюулын тухай зарлан мэдээллийн дохио дамжуулах журам", "Гамшгийн үед нүүлгэн шилжүүлэх журам"-ыг хэрэгжүүлж Ховд аймагт 2015 оны 03 дугаар сарын 26-ны өдрийн 15 цагт дадлага, сургуулийг зохион байгууллаа. Гамшгийн аюулын зарлан мэдээллийг аймгийн хэмжээнд байрлуулсан Онцгой байдлын газар, Ерөнхий боловсролын 12 жилийн 6 дугаар дунд сургууль, спортын төв ордон дээр суурилуулсан 3 дуут дохио, Онцгой байдлын газрын тусгай зориулалтын 3 автомашины дуут дохио, Чандмань, Үенч сумдын 2, нийт 8 дуут дохио, явуулын хөдөлгөөнт чанга яригч 21, орон нутгийн 4 телевизийн сувгаар дамжууллаа. Дадлага сургуульд нийт 17 сум, 12 гамшгаас хамгаалах алба, 24 мэргэжлийн ангийн нийт 30392 хүн, 309 автомашин оролцлоо. Сургалтын ололттой тал нь шинээр суурилуулсан зарлан мэдээллийн 5 дуут дохиог ашиглаж явуулснаар иргэдийн оролцоо урд оныхоос 11001 хүнээр нэмэгдсэн байна.