НИЙСЛЭЛИЙН ХАН-УУЛ ДҮҮРГИЙН ХОРООДЫН ХЭСГИЙН АХЛАГЧ НАРТ ТАНХИМИЙН СУРГАЛТ, ДАДЛАГА СУРГУУЛЬ ЗОХИОН ЯВУУЛЛАА
2017 оны 01 дүгээр сарын 29-ний өдөр дүүргийн Онцгой байдлын хэлтсээс 1, Мэргэжлийн хяналтын хэлтсээс 5, “Ганган буга”ХХК, “ТУДА” ХХК, “Гүн тэрэм” ХХК зэрэг мал эмнэлэг үржлийн нэгжүүдээс 5 нийт 11 ажилтан, албан хаагч хамтран дүүргийн 1-16 дугаар хороодын хэсгийн ахлагч нар нийт 176 хүнд “ Гоц халдварт Хонь, ямааны цэцэг, халдварт Галзуу өвчнөөс урьдчилан сэргийлэх тухай” танхимийн сургалт, дадлагыг дүүргийн “Соёлын төв”-д зохион байгууллаа. Сургалтаар:
- Мал, амьтны халдварт өвчнөөс урьдчилан сэргийлэх арга хэмжээ, түүнд шаардагдах халдвар хамгаалалын хувцас, ариутгалын бодис, тоног төхөөрөмж, техник хэрэгслийн хэрэглэх, ашиглах талаар.
- Хариуцсан хороодын мал, амьтанд эрүүл мэндийн үзлэг, тандалт хийх, шилжилт хөдөлгөөнд хяналт тавих, малын хашаа байранд хийгдэж байгаа ариутгал, халдваргүйжүүлэлт, мал бүхий иргэдэд зөвлөмж өгч, сэрэмжлүүлэг тараав.
- Хороод хариуцсан хэсгийн ахлагч нар өөрийн хорооны нутаг дэвсгэрт байгаа гэрийн тэжээвэр нохой, мал бүхий аж ахуйн нэгж, иргэдийн мал, амьтны нарийвчилсан судалгааг гаргах.
- Дүүргийн хэмжээнд гар дээрх болон ил задгай худалдаалалтанд тавих хяналтын талаар зөвлөгөө мэдээлэл өгсөн.
- Золбин нохойг устгах арга хэмжээ авч, гэрийн тэжээвэр, хоточ нохойг өдөрт уяж хэвших, галзуу өвчнөөс урьдчилан сэргийлэх вакцинд хамруулах талаар.
- Галзуугийн сэжигтэй болон галзуугаар үхсэн малын арьс шир өвчих, мах эвдэх, түүхий эд, хүүрэнд хүрэхийг хориглох талаар.
- Тодорхойгүй шалтгаан нөхцөл, зүй бусаар мал амьтан хорогдсон тохиолдолд малын эмч, болон мэргэжлийн байгууллагад яаралтай мэдэгдэх талаар зөвлөгөө өгч мэдээлэл хийж ажиллаа.