Улсын Онцгой комиссын Шуурхай бүлэг Сүхбаатар аймагт ажиллаж, аймгийн Онцгой комисст зөвлөмж өглөө.
Өвөлжилтийн нөхцөл байдалтай газар дээр нь танилцаж, үнэлгээ хийх, мэргэжил арга зүйн зөвлөгөө өгөх, шийдвэр гаргах үүрэг бүхий Улсын Онцгой комиссын шуурхай бүлэг Сүхбаатар аймагт ажиллалаа. ОБЕГ-ын Гамшгийн шуурхай удирдлагын газрын дарга, онцгой байдлын хурандаа Б.Ууганбаярын ахалсан Шуурхай бүлэг Эрдэнэцагаан, Баруун-Урт суманд ажиллаж өвөлжилтийн нөхцөл байдалтай газар дээр нь танилцан, орон нутгийн Онцгой комисст заавар зөвлөгөө өгч ажиллалаа.